Terere ha’e Paraguay- gua.

Terere ha’e Paraguay- gua.

Hovy’û kyrÿi okakuaa

Ka’aguy rehe ka’a.

Ava omopê upe hakâ

Ha upéi ombokuarahy.

Haviru, ipiru upe hogue

Ojejoso ku’ichô meve.

Ogapýrema ohua’î

Vosa’ípe ka’a ku’i.

Toîke ka’a opaite ára

Ani voíke opa.

Tekove che retâygua

Terere ho’uva’erâ.

Tembiapo apo rire

Mbyry’ái ombogue haĝua

.Térâ ku angirû maymándie

Ñomongueta, vy’arâ.

Ka’a rykue rovy’û 

Y ro’ÿsâme ojeitykuáva.

Mboy’upy Paraguay-guáva

Opa rupi herakuâmby.

Terere jere ha ayvúpe

Tembiasakue oñemombe’u

Avei umíva apytépe

Hendypúva  mborayhu.

Ohai: paolafretes

Agosto, mes del folclore paraguayo.

Jasypoapy, tavarandu rehegua jasy.

Ko jasypoapy ningo ijypy guive hu'â meve oguereko arangue imomorambýva, omomba'e guasúva umi ñande marani, ñande jepokuaa ha ñande reko tee rehegua.

Oñepyrû ára 1-gui, karrrulin ñemboy'uha ára. 
Karrulin ningo ha'ehína mboy'upy ojejapóva oñembojehe'a rupi káña, ruda ha limô ojuehe; kóva katuete oñemboy'u pe jasypoapy oñepurûvo omopotî hagua tuguy ha oñemombia hagua mba'asy chu'ikuéra.
Upéi jagureko avei upe ára temitÿ rehegua ha'éva 10 jasypoapy, San Lorenzo ára. Péva ha'ehína ¨postura¨, ára oñeñotÿha avati ani ojuka helada ha hi'a porâ hagua.
Ára 14 jasypoapy, ha'e ñande Poyvi paraguaygua ára. Upe poyvi isa'y mbohapýva pytâ, morotî ha hovýva omondéva ñane retâ, ñane mopeteî ha ñandeikuaaukáva arapy rehe ára.
Upéi ou 15 jasypoapy, ñande tavusu Paraguay (Asunción) ára heñóihague. Péva ningo 15 jasypoapy ary 1537-me capitán Juan de Zalazar y Espinoza rupive oñemyeñói ypyva'ekue.
Hapykuéri jaguereko Mitânguéra ára (Día del niño), 16 jasypoapy, ojegueromandu'a ha oñemomba'e guasúvo umi mitâmimi ome'êva'ekue hekove ñane retâ rayhupápe amo Acosta Ñume, ary 1869-pe.
Ára 22 jasypoapy, ha'e tavarandu ára ñemomora. Hetaite mba'e ningo oî pe ñande tavarandu paraguaygua apytépe. Umíva apytépe imbaretevéva ha'e pe ñane ñe'ê, purahéi, ñemonde, hi'upy, gueroviaapy, temiporâ ha mba'e.
Ára 25 jasypoapy, ha'e Guarani ñe'ê ára. Pe ñe'ê eirete re'ê mbochyete ñane mboheko ha'eñóva ambuekuéra renondépe.
Ha oñemomba'e guasúvo José Asunción Flores rembiapokue, pupoty Guaranía; oñemomorâ upe pupoty ára 27 jasypoapy javerô, kóva ko arange ha'égui José Asunción ára reñói avei. Guaranía ningo ha'e pe género musical omoheñóiva'ekue J.A.F amoite ary 1925 rupi, ha oñemonei 1950 rupi. Omyasâi ha omombarete añetéva'ekue Flores ndive ha'ehína Manu (Manuel Ortíz Guerrero).
Ha oñemboapu'ávo jasypoapy oñemomba'e guasu Santa Rosa ára 30 javérô, kóva jeko yvytu atâ rerekua; ha hu'âitépe San Ramón, kuñanguéra hyeguasúva jeroviaha membyporârâ. Oñemoirûva hese ndaje katuete osê pya'e ha tesâime tagêgui.
Kóicha ningo ko Jasy ¨Agosto¨ombyaty ijehe hetaite mba'e ñande reko rehegua. Péina kóicha mbykymi ambohasa peême, ñamyasâi hagua ñande reko.

GUAIĜUĨMI

GUAIĜUĨMI

Asajepyte aku che tapỹime oĝuahẽ

Imaitei rapykueri ymíre ojerure,

Pe hova anga icha’ĩ ha ikã umi hembe

Pya’e asyete terere, che sy oikuave’ẽ ichupe.

Oguapy opytu’u jaiku’i oipyte

Hembiasare imandu’a omombe’u heta mba’e,

Oguerohory iterere, upe y ro’ỹsã porãite

Ha avei upe ka’a, nimbora’e heseguaite.

Guaiĝui reko poriahu, ipire jekapami,

Asajekuegua kuarahy ijapere opa hata,

Hi’anga ohechauka  heta temikotevẽ

Tekoasy raimbore ima’ẽre ojekuaa.

Ty’áipe hete ojahu, ijaomi ojepoka

ipererĩ ipyregua oso oso umi isã,

ivoko tujaitemi iku’ápe ojejokua

ha’e, hory ha opuka, noñandúivaicha angata.

Kuña mboriahu kóichagua che retãme hetaite

Ndojehúiva ichupe, hyepore ni mburuvicha,

Ko’ẽ ko’ẽre oikove oheka hembiasarã

Tembiapope iku’ipa hi’áraĝuahẽ meve.

07-01-2011.-

ohai: Paola Fretes.

Entre lo dicho, Y lo hecho.

Ahendúva oje’e, Paraguay ningo irriko

Oguereko yvy porã  ñañotỹvante hi’a

Mymba pya’e opu’ã, irrepresa tuichaicha

Syryndy ovende heta, royalties’ okakuaa.

Mba’ére piko eiporõ, ñane retãygua ohopa

Umi pytagua retãre jaheiháro anga oikove

Mitã kyrỹi asyete mbo’ehao oheja

Albañil, térã carpintero upépevente oguahẽ.

Ndaha’éi aipo ohoségui, osẽva oho tapicha

Ohejamante ohejáva, ikera yvoty omuña

Jepe ápe javy’a, ndaipóri tembiaporã

Por un puesto de trabajo, tekove oheja hetã.

Ojeheja sy ha túva. Ta’yra ha mborayhu

Oho tesay hovare ojeheka mombyry

Kuña, Kuimba’e po’apy; ápe opu’ãrangue

Pytaguápe oho oheja ifuerza ha ijuventud.

Ko’ápe ningo opyta tuja, guaiĝui ha mitã

Ha unos cuantos  tãi haimbe  ho’upáva opa mba’e

Ojupíva mburuvicha noha’ãi bien común-rã

Ñokarãi ha pokarẽ, cada día ite’ẽve.

He’íva ku Macchiavelo, República ningo ha’e:

 La mejor forma de gobierno.

Oisambyhýva ojaporõ, para su pueblo el bien.

Ikatu avei ha’e: La peor forma de gobierno.

Mbovymínte okambuverõ, ha oikotevẽva hetave.

03-2014.-

Ña Ma’ërä

Ña Ma’ërä oho ykuápe, voi pyharevete

y ogueru iñakä ári kambuchípe henyhë

okay’u hagua anga ha’e, ha osëma omba’apo

jahechápa ombojere ñandymi ha sakarö.

Opita timbo ohokuévo ha Tupäme oñembo’e:

Néipa nde che ru tuja ema’ëmina che rehe,

Ko ára tacheresäi ha ta japo heta mba’e,

Nde ningo reikua heta temikotevë.

Ñane mboriahuro ningo jajeityvyromante.

Ejesaupimíkena ko ára, ha ehovasa ko che táva

Umi hetave ipiráva tahu’üve ikorasö

Tome’ëmi tembiapo ore ava mboriahúpe

Tamora’e tyryrýpe roñeha’äne rojapo.

Ijetu’u ningo che ru ore ára jehasa

Ha umi mburuvicha ndohechaguasúi mba’eve

Ijehekuérante ojapura ipota ha oipotave

Tavaygua remikotevë, añámone ogueraha.

Kóicha anga Ña Ma’ërä ko’ë ko’ëre ohasa,

Tupäme oñepomoï, oje’óivo y reka.

paolafretes.

Hablemos del Amor

Qué puedo decirles yo, en lo que refiere al Amor.

Qué me dirías tú, cuando me hablas del Amor.

Tendrá acaso un concepto preciso,  universal.

O es una metamorfosis de adecuación circunstancial.

Muchos son los que expresan  maravillas del Amor.

Otros muy a lo opuesto lo sienten  con dolor.

Los religiosos predican lo sublime que es el Amor.

Otros van cometiendo, aberraciones, en nombre de Amor.

En los versos sagrados explica, que es uno sólo el Amor.

Que habita en todos los hombres, sin raza, sexo ni religión.

Entre los hombres afirman, que hay varios tipos de Amor.

Van creando etiquetas, según su gusto y  convicción.

Entonces, yo me pregunto:

¿Qué es en realidad el Amor?

Si tienes respuesta dime, explícame por favor.

Mientras, mi caso dejo, en manos del corazón.

paolafretes

ÑaTuni

Oiko ndaje akôi ára ijaturumi upe tapére omba'ejerure, kuña guaiguîmi ijohei pyre, mba’apo raibore ojekuaa hese.  Kuñakarai oiko asýva ha oikotevêva ko iguaiguî rire, upéva ha'e ÑaTuni.

Ipyahúpe ha’e oikomiva’erâ opáichagua tembiuapo ombosako’i, ojaojohéi hoga ykéreguakuérape, oitypei, ha oho oka’api ha mba’e kuimba’éichaite.

Upeicha omongakuaa mokôi imemby, oñeha’â omondo mbo’ehaópe ha oguereko ichupekuéra iporâveháicha.

Upéi ikaria’y hikuái ha osê oho mombyry, ndojekuaavei ichuguikuéragua. Ohejarei  upe isykuéra ha ndojerevéi.

Ña Tuni ndaikatuvéi omba’apo, ou hasy ja ikangýma mbeguekatúpe. Avavema ndoipotavéi ichupe hembiguáirâ, avave avei noñangarekói hese, ha upépe oñepyrû oikotevêmba.

Are oiko omba’e jerure. Heta oî upe rupi ojahéiva ha mba’e hese. Ipahápe  oiko asyve ohóvo ko’ê ko’êre.

Peteî ára ikuerái jeiko asy ha tekotêvegui, avave nopenái hese, ha iñemoñare mokôi oguerekova'ekue ohoite hikuái ha ndojerevéi, upemarô upe guaiguîmi iñe'âite guive Ñandejárape ojerure: Hi'âitépa Tupâ che gueraha mba'e, hetaitéma ningo aiko asy ko yvy apére, néina Kirito eju che reka;  che ningo ajapopáma opa mba’e ajapova’erâ, aiko reima ningo ko’árupi ojejahéi che rehe.

Upéicha oguapy jave ipýre tape rembe'ype ochi'ô hina, ohecha sapy'a peteî karai neporâva oja ijypýpe ha oipyso upe ipo ombohasa Ichupe.

 Upépe upe guaguîmi ojesaupi ha oporandu:

-          Mávapa nde che karai.

 Ha upe karai ombohovái:

-          Che ha'e Tupâra'yete yvágui  ajúva, che réra ha'e Gabriel. Upe rupavê yvate oîva,

Ñandejaraite ningo che mbou, ndepiari aju  jahama hagua.

-          Añetépa ere -  ombohovái ÑaTuni, ovy’a ha oñembyasy avei. Ndaha’ei ndohoséiva. Katu oguereko peteî jagua pirumi omoirûva ichupe opa ára, ha ombyasy oheja hagua ichupe ha’eñomi heta oiko rire hikuái ojoapykuéri.

-          Ha ko che irûmigui piko karai mba'e anga oikóta ha'eñoreiete, oprorandu.

Oma'ê upe Kiritoremimbo'u ha ohecha peteî  jagua pirumi ÑaTuni ykére, oipoahureko ha he'i Ichupe:

-          Ohota avei ningo ñane ndive.

Ña tuni opukavy, ha’etevaicha ku ipy’a piro’ýva. Néi aiporô, roimema ore. - ombohovái  guaiguîmi.

Ojapyhy oñañuâ  upe hymbápe , ha osapymívo  hymba jagua pirumindie mokôiveva Tupâ  rendápe  ohua'î.

Nemandu'áke: Ne ñe'âite guive rejeruréva, Tupâ ohendu katuete.